Announcement of #slanhkromakhmer Event

Hello everyone!

If you have been following me on my Facebook and Instagram, I'm sure you might already know about my charity event which is called #slanhkromakhmer that is going to take place at Koh Pich, Building F, on September 5th the whole day. 

I will have the booth selling various products made from kroma Khmer (see pictures below) that are all for a good cause. All proceed will be given to support the kids at the dump side called People Improvement Organization (PIO). I believe that these kids need help and by doing what we can to help them, it will make their lives better.

Now about the meet & greet, I will also host a meet & greet on the same day from 11am - 2pm, which you will get me meet me personally. However, the booth will stand by to sell the whole day. And at 6:30pm, there will be a kroma khmer fashion walk designed by me.  

So, are you ready to join me with #slanhkromakhmer? I hope a lot of you will come and take some selfies together! :)

It's time to show the kids some #slanh and support Khmer products for a good cause!

See you there!

សួស្តីអ្នកទាំងអស់គ្នា!

បើសិនជាអ្នកទាំងអស់គ្នាតាមដានគណនេយ្យ Facebook និង Instagram របស់ខ្ញុំ, ខ្ញុំជឿជាក់ថាអ្នកទាំងអស់គ្នាប្រហែលជាអាចដឹងហើយពីចលនា #slanhkromakhmer ដែលនឹងប្រារព្ធឡើងពេញមួយថ្ងៃនៅកោះពេជ្រ អាគារ F នៅថ្ងៃទី ៥ ខែ កញ្ញា ឆ្នាំ ២០១៥ ខាងមុខនេះ។

នៅទីនោះ ខ្ញុំនឹងមានជាបញ្ជរដាក់លក់ផលិតផលជាច្រើនប្រភេទ ដែលធ្វើឡើងពីក្រម៉ាខ្មែរយើង (មើលក្នុងរូបភាពខាងក្រោម)។ ថវិកាដែលទទួលបានពីការលក់នឹងត្រូវប្រគល់ជូនទៅអង្គការលេីកស្ទួយប្រជាពលរដ្ឋ (PIO) ក្មេងៗទាំងនោះកំពុងត្រូវការជំនួយ ហើយតាមរយៈការជួយរបស់យើង ជីវភាពរស់នៅរបស់ពួកគេនឹងមានភាពប្រសើរឡើងជាមិនខាន។

នៅថ្ងៃទី ៥ នោះដែរ នឹងមាននូវកម្មវិធីជួប និងស្វាគមន៍ (Meet & Greet) ជាមួយនាងខ្ញុំផ្ទាល់ ចាប់ពីម៉ោង ១១ព្រឹក ដល់ ម៉ោង ១ រសៀល

ប៉ុន្តែសម្រាប់ស្តង់លក់ផលិតផលក្រមា៉ខ្មែរវិញនឹងបើកមួយថ្ងៃពេញតែម្តង ហេីយនៅម៉ោង៦ៈ៣០ល្ងាច នឹងមានការដេីរបង្ហាញម៉ូតជាមួយការឆ្នៃរពីក្រម៉ាខ្មែរដោយនាងខ្ញុំផ្ទាល់។

តើអ្នកគ្រប់គ្នាត្រៀមខ្លួនរួចរាល់ហើយឬនៅ ដើម្បីចូលរួមជាមួយខ្ញុំ និង ចលនា #slanhkromakhmer ? ខ្ញុំសង្ឃឹមថា អ្នកទាំងអស់គ្នានឹងមកចូលរួមយ៉ាងច្រើនកុះករ ហើយពួកយើងនឹងមានការថតរូបអនុស្សាវរីយ៍ជាមួយគ្នាទៀតផង។  

ដល់ពេលដែលយើងត្រូវបង្ហាញនូវក្តី #slanh ទៅដល់ក្មេងៗទាំងនោះ និងជួយគាំទ្រនូវផលិតផលរបស់ខ្មែរយើង ដើម្បីអំពើសប្បុរស។

ជួបគ្នានៅទីនោះណា!

Kroma Khmer Button Up Shirts, Price: 20000R

Kroma Khmer Jacket, Price: 25000R

Introducing Mean Sonyta

នាងខ្ញុំឈ្មោះ​ មាន​ សូនីតា​ អាយុ​ ២៥ ឆ្នាំ ជាសិល្បៈការិនី និងតារាសម្តែងមួយរូបនៃព្រះរាជាណាចក្រកម្ពុជា ។ នាងខ្ញុំបានបង្កើត​ Blog នេះឡើងក្នុងគោលបំណងចែករំលែកបទពិសោធន៍ដែលខ្លួនមាន​ដល់អ្នកទាំងអស់គ្នា​ មានដូចជា៖ ​ការតុបតែងខ្លួន សុខភាពនិងសម្រស់ របស់ច្នៃប្រឌិតដោយខ្លួនឯង និងបទពិសោធន៍នៃដំណើរកំសាន្តផ្សេងៗ ។

ក្នុងនាមជាសិល្បៈការិនីមួយរូប ខ្ញុំជឿថា ប្រាក់កាស និងភាពល្បីល្បាញ មិនមែនជារបស់សំខាន់តែមួយមុខគត់នោះទេ ហើយការចូលក្នុងវិស័យសិល្បៈ ក៏មិនមែនសំរាប់តែរឿងពីរហ្នឹងនោះដែរ។ កើតមកជាអ្នកសិល្បៈ គឺជាអំណោយពីធម្មជាតិ។ យើងកើតមកជាមួយអំណោយដ៏អស្ចារ្យមួយ អ្នកខ្លះអាចច្រៀង និពន្ធចំរៀង រាំរែក ចំណែកខ្ញុំគឺ សមត្ថភាពសម្តែង។ ចំពោះខ្ញុំ អ្វីដែលសំខាន់ជាងនោះទៅទៀតគឺ យើងអាចយកអំណោយពីធម្មជាតិរបស់យើង ទៅចែករំលែកដល់អ្នកដទៃ ប្រើប្រាស់អំណោយមួយនេះឲ្យមានប្រយោជន៍ មិនមែនតែចំពោះខ្លួនឯង តែប្រយោជន៍រួម គឺរឹតតែប្រសើរ។

ចាប់កំណើត និងរស់នៅក្នុង គ្រួសារមធ្យមមួយ ដែលនៅឆ្ងាយពីទីក្រុង ជីវិតមានជូរ មានចត់ និងមានផ្អែម និយាយទៅគឺគ្រប់រសជាតិ។ ខ្ញុំបានឆ្លងកាត់ ដូចអ្វីដែល អ្នកទាំងអស់គ្នាធ្លាប់ជួបប្រទះដែរ។ ប៉ុន្តែ នេះហើយជាអត្តន័យនៃជីវិត។ ជាសំណាងល្អ ខ្ញុំបានទទួលនូវក្តីស្រឡាញ់ ដែលនឹកស្មានមិនដល់ ពីអ្នកម្តាយ និងបងស្រី ក៏ដូចជាក្រុមគ្រួសារទាំងមូល។ អរគុណមនុស្សសំខាន់ក្នុងជីវិតរបស់ខ្ញុំទាំងអស់ ដែលតែងតែនៅជាមួយខ្ញុំគ្រប់ពេលវេលា។ ក្តីស្រឡាញ់ គឺជាអ្វីៗគ្រប់យ៉ាង ដែលយើងត្រូវការនៅក្នុងជីវិតរស់នៅ។ ហេតុនេះហើយបានជា ចលនា #slanh (ស្រលាញ់) ត្រូវបានបង្កើតឡើង។ ខ្ញុំសង្ឃឹមថា អ្នកទាំងអស់គ្នាដែលមានគំនិត និងជំនឿដូចខ្ញុំ នឹងចូលរួមជាមួយខ្ញុំនៅក្នុងដំណើរដ៏សែនឆ្ងាយមួយនេះ។ ខ្ញុំហៅអ្នកទាំងនោះថា #slanh mover (អ្នកចែកចាយក្តីស្រលាញ់)។ វា គឺជាការចងចាំដ៏ល្អមួយ នៅក្នុងជីវិតរបស់ខ្ញុំ ដែលបានប្រារព្ធពិធីខួបកំណើតអាយុ ២៥ ឆ្នាំ ជាមួយនឹងក្មេងៗអភ័ព្ធមួយចំនួន ដែលចាប់កំណើត និងរស់នៅលើគំនរសំរាម ដោយមិនមានឪពុកម្តាយបីបាច់ថែរក្សា។ ខ្ញុំរីករាយណាស់ ដែលពួកគេបានផ្តល់ឱកាសឲ្យខ្ញុំនៅជាមួយពួកគេ ក្នុងថ្ងៃដ៏ពិសេសរបស់ខ្ញុំ។ #SlanhSonyta (ស្រលាញ់សូនីតា) គឺជាជំហានទី១របស់ខ្ញុំ។ ឥឡូវនេះ ខ្ញុំ កំពុងជំរុញនូវចលនាមួយទៀត គឺ #kromakhmer (ក្រម៉ាខ្មែរ)។ ខ្ញុំ តែងតែនឹកកោតសរសើរទៅដល់បុព្វបុរស ដែលបានបង្កើតនូវកន្សែងបង់កដ៏អស្ចារ្យ ស្អាតផូផង់ ដែលយើងហៅថា «ក្រម៉ា»។ ប្រជាជនខ្មែរយើងប្រើប្រាស់ក្រម៉ាតាំងពីយូរលង់ណាស់មកហើយ។ វាមានសារៈប្រយោជន៍ជាច្រើន ទើបបានជាខ្ញុំគិតថាហេតុអ្វីយើងមិនសាកល្បងយកក្រមានេះ មកប្រើនៅក្នុងសង្គមសម័យទំនើបបច្ចុប្បន្ននេះលមើល ដោយយកវាមកច្នៃជាម៉ូដទាន់សម័យ។ ខ្ញុំមិនមែនជាអ្នកជំនាញ ឬអ្នកមានគំនិតច្នៃប្រឌិតដ៏ពូកែនោះទេ ខ្ញុំគ្រាន់តែចូលចិត្តប្រមូលផ្តុំគំនិតរបស់ខ្ញុំ និងហ៊ានបង្ហាញទៅកាន់មជ្ឈដ្ឋានខាងក្រៅ។ ខ្ញុំគ្រាន់តែធ្វើអ្វីមួយទៅតាមគំនិតរបស់ខ្ញុំប៉ុណ្ណោះ ហើយខ្ញុំក៏សង្ឃឹមថា អ្នកទាំងអស់គ្នានឹងចូលចិត្តវា ក៏ដូចជាអាចជំរុញ និងបណ្តុះគំនិតរបស់អ្នក។ ជាលទ្ធផល អ្នកទាំងអស់គ្នាពេញចិត្តពួកវា ដែលជម្រុញឲ្យខ្ញុំរឹតតែខិតខំធ្វើវាបន្តទៀត។ នេះហើយជាមូលហេតុដែល ចលនា #slanh និង #kromakhmer មានវត្តមានមកដល់ថ្ងៃនេះ។ ចលនាផ្សេងៗទៀត របស់ #slanh និងមានជាបន្តបន្ទាប់។ សង្ឃឹមថាអ្នក នឹងចូលរួម ហើយអ្នកទាំងអស់គ្នាក៏អាចធ្វើបានដូចខ្ញុំដែរ។

#SlanhSonyta

#ស្រលាញ់សូនីតា